Dularfullur bílakirkjugarður fannst í afviknum helli
Einar Þór Sigurðsson Föstudaginn 19. febrúar 2016
Óvenjuleg sjón blasti við hópi ferðamanna sem áttu leið um helli í Ceredigion í Wales á dögunum.
Heilt fjall af ónýtum, gömlum bifreiðum fannst inni í hellinum.
Bílakirkjugarðurinn var í helli sem eitt sinn var notaður af námuvinnslumönnum en umræddri námu var lokað árið 1960.
Hellirinn, eða náman, er ekki í alfaraleið og segir Gregory Rivolet, einn þeirra sem fann bílana, að hann hafi verið erfiður yfirferðar.
Jarðvegurinn þarna er mjög óstöðugur,
segir Rivolet sem varði fjórum tímum í hellinum.
Erfitt er að komast inn í hann, en Rivolet og kollegar hans þurftu að láta sig síga um 30 metra til að komast í botn hellisins.
Þetta var frekar súrrealískt. Þarna var svartamyrkur, mjög blautt, sleipt og hættulegt.
Og svo rekum við augun í bílakirkjugarðinn,
segir hann.
Ekki liggur fyrir hvaðan bílarnir koma eða hver kom þeim fyrir ofan í hellinum.
Heimild: Er svo. Einar Þór Sigurðsson DV 2016
Þýðendur: Friðrik Kjartansson og erlendur.is (Málstaður)
Skráning: Friðrik Kjartansson
Yfirlestur: malfridur.is (Málstaður)