Frosti Sigurjónsson endurtekur sömu talpunkta og olíuiðnaðurinn notaði í 40
Það sem Frosti segir er ekki nýtt. Þetta er ekki frumleg gagnrýni. Þetta er það sama og olíufyrirtæki hafa sagt lengi. Olíufyrirtæki segja oft:
hinir geri ekkert.
Sumir segja þetta:
- Vísindin eru ekki viss.
- Það er of dýrt að gera eitthvað.
- Við eigum að bíða og gera ekkert.
Fyrirtækið ExxonMobil sagði þetta. Vísindamenn hjá ExxonMobil sögðu að loftslagsbreytingar væru raunverulegar. Það var fyrir mörgum árum. Samt ákvað fyrirtækið að segja að við ættum að bíða.
Stór olíufyrirtæki vissu fyrir 40 árum að það væri hættulegt að halda áfram að brenna olíu, kolum og gasi. Þau vissu að þetta myndi valda loftslagsbreytingum. Þetta kom fram í rannsóknum sem fyrirtækin gerðu sjálf.
Gögn frá fyrirtækjunum sýna þetta. Vísindamenn sem unnu fyrir olíufyrirtækin voru búnir að reikna þetta út um árið 1980. Þeir sáu nákvæmlega fyrir hvernig þetta myndi hafa slæm áhrif á loftslagið.
Þess vegna er skrítið að sumir reyni enn að láta fólk efast um vísindin. Þeir reyna líka að láta fólk efast um að það þurfi að gera eitthvað í málinu.
Það er leitt þegar klár og menntaður maður notar stöðu sína til að gera þetta. Hann reynir að fá fólk til að treysta ekki vísindum.
Frosti neitar ekki að loftslagsbreytingar séu af mannavöldum. Samt veldur hann því að það er beðið með að gera eitthvað. Að bíða er ekki hlutlaust í þessu máli. Það er oft einhver ástæða fyrir því. Ég veit ekki hver ástæðan er.
Að lýsa vísindunum sem
veikum
vegna óvissu í líkönum er klassísk aðferð til að draga úr réttmæti aðgerða.
Óvissa er hluti af öllum flóknum vísindum og hefur aldrei verið gild rök fyrir aðgerðarleysi, sérstaklega ekki þegar áhættan er kerfislæg og til langtíma.
Fullyrðingin um að Ísland sé komið
út í skurð
vegna loftslagsaðgerða stenst heldur ekki.
Aðgerðir hér eru hægar, oft seinkaðar og langt frá því að teljast róttækar í alþjóðlegum samanburði.
Samanburðurinn við Parísarsamkomulagið er einnig villandi.
ESB er með lögbundið regluverk en önnur ríki með sveigjanlegri skuldbindingar en það þýðir ekki að þau geri ekkert eða beri enga ábyrgð.
Þetta er því ekki hlutlaus greining heldur pólitísk afstaða sett fram sem skynsemi.
Slík orðræða leiðir ekki umræðuna áfram, hún undirbýr jarðveg fyrir bakslag.
Áróður olíuiðnaðarins hefur lengi byggt á því að kynda undir efasemdum og mótþróa gegn vísindasamstöðu.
Slík orðræða höfðar sérstaklega til þeirra sem skilgreina sig í andstöðu við það sem þeir skynja sem ríkjandi meirihlutaálit.
Þannig að er ekki kominn tími til að hlusta á vísindin, og jafnvel á olíufyrirtækin sjálf, sem vissu þetta fyrir 40 árum í gegnum eigin vísindamenn og innri rannsóknir?
Tvær myndir fylgja með.
Sú fyrri sýnir innri spálíkön ExxonMobil frá því fyrir um 40 árum, þar sem hlýnun jarðar er spáð með óhugnanlegri nákvæmni.
Sú seinni er úr viðtali við Frosta í dag þar sem hann talar um
óvissu í vísindum
og að við ættum að stíga á bremsuna.
Vandinn var ekki skortur á þekkingu — heldur vilji til að tefja.
Heimild: Loftslagsbreytingar – umræða og fréttir Facebook
Eftir: Andri Fannar.
Skráning: Friðrik Kjartansson
Yfirlestur: malfridur.is (Málstaður)