Neyðarástand fyrir heilsu fólks og mannréttindi
Lýsum yfir neyðarástandi!
Katrín Jakobsdóttir, fyrrverandi forsætisráðherra Íslands, stýrir nefnd fyrir Evrópu.
Nefndin vill að Alþjóðaheilbrigðismálastofnunin lýsi yfir neyðarástandi vegna loftslagsbreytinga,
sem setja heilsu fólks um allan heim á vonarvöl.
Katrínar-nefndin
segir að jörðin sé að hlýna mjög hratt og hitinn í Evrópu hækki tvöfalt hraðar en annars staðar á jarðkringlunni.
Hraði hlýnunarinnar getur valdið stórum skyndibreytingum víðs vegar á jörðinni okkar.
Við höfum minni og minni tíma til að koma í veg fyrir óafturkræfan skaða.
Katrínar-nefndin
hefur gefið út 17 tillögur.
Tillögurnar eru um hvað Alþjóðaheilbrigðismálastofnunin (WHO) og lönd þurfa nauðsynlega að gera.
Í nefndinni er fólk sem hefur stjórnað löndum og alþjóðastofnunum og því nóg af reynslu og krafti.
Katrín ásamt nefndinni segir:
Loftslagsváin er hættuleg fyrir öryggi okkar, samfélag, mannréttindi og heilsu.
Tillögurnar 17 skiptast í 4 flokka.
Þær snúast um að:
– Meðhöndla loftslagsbreytingar sem hættu fyrir heilsu fólks.
– Breyta heilbrigðiskerfum.
– Gera meira til að hjálpa fólki þar sem það býr.
– Breyta peningakerfum sem valda loftslagsvánni.
Mesta hættan fyrir öryggi okkar
Katrínar-nefndin
gerir kröfu um að stjórnvöld ræði loftslags- og heilsumál sem öryggismál og bendir á að loftmengun drepur (100.000) hundruð þúsunda fólks í Evrópu á hverju ári.
Mengunin er afleiðing af brennslu á olíu og gasi.
Nefndin segir:
Ríkisstjórnir í Evrópu eyða miklum peningum í öryggismál meðan loftslagsbreytingar eru mesta hættan fyrir öryggi okkar.
Loftslagsmál eru neyðarástand í lýðheilsumálum sem varðar alþjóðasamfélagið.
Lagt er líka til að heilbrigðiskerfin verði styrkt til muna í að takast á við loftslagsbreytingar.
Til dæmis á að uppfræða og mennta heilbrigðisstarfsfólk um loftslagsbreytingar og heilsu.
Nefndin vill líka að stjórnvöld í Evrópu geri breytingar á því hvernig þau mæla árangur.
Í dag er notað mælitæki sem heitir verg landsframleiðsla.
Það telur notkun á olíu og gasi
góðan,
og jafnfætis öðrum heilsusamlegum fyrirbærum, en þar er ekki reiknað með kostnaðinum fyrir heilsu fólks vegna mengunar.
Ekki er heldur skaðinn af náttúruhamförum með í ferð í þeim skrítna reikningi.
Nefndin vill að stjórnvöld noti nýjar mælingar en aðferðir til mælinga eiga að setja heilsu, jöfnuð og umhverfið í fyrsta sæti.
Höfundur: Friðrik Kjartansson
Yfirlestur: malfridur.is (Málstaður)